假如中午老闆出去用膳的話，我一定會爭取時間，在公司眠一眠。大約二十分鐘吧。由1340開始小睡，兩點前回魂。可能日子有功，我總在1358-1359間醒來。一次也沒試過誤點。
今天醒來時，看到電話裡有幾個missed call，全是西先生撥來的，還留了言。我以為什麼急事，馬上回電他。
我：喂咩事呀，搵得我咁急？（說時我感覺到自己的語氣也很急促，深怕發生了什麼大事！他大哥找我幾次喎在短短二十分鐘裡！！）
西：唉，你話有咩急事搵你就死啦！！
我：吓？！咁即係咩事要幫手呀？！
西：就係無急事囉今次。
我：！！#$%^&(#$%^&()_#$&()@#()_！！
談到司機問題。
西先生：請到司機未呀？我有朋友介紹來喎。
我：好呀，你叫佢send份resume唻啦。
西先生：哇，請司機咋喎，唔係請人駕太空船喎，駛唔駛resume呀？
我：要架！要執正唻做架，admin要丫嘛。你叫佢寫名呀，聯絡方法呀，同埋之前既工作經驗唻啦。就算請清潔亞姐，我地都要佢地send份resume唻架。
西先生：有無搞錯呀咩公司唻架？我之前在美國，幫克林頓清潔dodo，咁佢家下卸左任，你叫我點証明先？！
我：………………………………得勒，明晒架勒，我地唔會請你介紹來果位司機囉。Ok？！
