Thursday, November 26, 2009

交 流。

Tiara在電郵裡跟我談男人,她說:「曾有人將男追女比喻為玩音響,首先追靚機,然後追齊各個大大小小既喇叭,繼而係靚喇叭線,甚至靚audio room...... 十年八年後,忽然將所有野賣曬,買番對mini hi-fi擺喺床頭。好多男人既寫照。」我也認同。

Gavin在電郵裡,跟我談作為一個攝影師的小見聞:「結婚擺酒唔係我地想專影咀對咀... 係我地都要搵d 好sweet 好warm 既情景黎影, 唔知做乜, 大部份既新娘都唔識笑. 又唔肯笑, 對住個新郎, 唔係佢地著左禮服, 你都唔知原來佢地係識架! 企又企得開. 拖手又拖得少, 更加唔會有咬耳仔, 男既慘樣, 女既好似做忌咁. 做攝影師既我地, 咪唯有退而求其次去搵一d "代表sweet and warm"既野去影囉... 你話丫, 你o係一個婚禮度, 有幾可見到新郎新娘會自自然kiss 而唔係好似成大班人迫佢地咁.」經他那麼一說,又好像真的甚少在婚禮上,見到那雙新人自然地接吻。也許是太累了。不過Gavin形容得好傳神。

Sharon在電郵裡,跟我討論那雙乳貼:「其實我覺得個用途係,男人躺在床上,女人用雙乳(加SHUI SHUI)來掃男人個身同塊面!!!!!!!!!」………果然是色途老馬呀吓!


不停地寫呀寫的,就因為常有這種私下的交流。我實在喜歡大家給的電郵。