他常常抱怨我對才俊的態度很好，卻對他極差，我說哪有的事呀？他又說，現在才俊成了眾女的（幻想）結婚對像，而他呢，是「被打」對像，他叫我賠償他的心靈損失。我說，那麼我盡力為你寫一篇徵婚的啟事吧。他更正說，是要一連五天都要寫他（！）。
送了一架Lego穿梭機給我做禮物的Thomas西先生，跟我在食肆中暢所欲言起來。跟他一起，我最失態，常會不受控地狂笑。事件一
談到某位共同認識的朋友，我說現在她很好呀，可以從谷底走出來，努力為自己的生活而走下去，昨天還去了當義工喔。西先生開始發作：
西：佢去做義工？幫人化妝呀？（那位朋友，是個化妝師來的）
我：唔係呀，佢去幫弱智人士呀，人地心地好好架。
西：佢去兜生意咋卦？！
我：唔係呀，佢去幫人呀。
西：佢肯定會講，呀弱智A你不如嫁俾弱智B啦，你地結婚，我幫你地化妝呀！最多收平D。
我：（狂笑中）……唉，你好賤呀。
事件二
談到空姐b。我說她是個好漂亮的女孩子啦，而且據聞是你的fans啊！西先生大喜，說好想要b小姐的電話號碼，我說我沒有喎，而且若真的有，你會怎樣跟她打開話題呢？
西：（扮Cute）喂，你係咪XX呀？
B：係呀，請問你邊位呢？（我猜想她如此回答）
西：我係Thomas西呀！（依然扮Cute）
B：Do……………..（馬上收線）
我們認為，b小姐會截斷電話線，而且會馬上更改電話號碼。
事件三
談到工作。西先生說現在整天上法庭，事前都要預備好些文件，而那些文件，動輒要耗用幾包紙來籌備，十分的不環保。
西：我覺得將來我會做樹妖囉，成日咁浪費紙張。
我：咁，你每日對D紙講咩呀（！）？
西：我咪喊住同佢地講『好可憐呀你地』。
我：咁D紙又點回應你呢（！！）？
西：佢地話『咪再斬D樹啦仆街』。
事件四
（更無聊）
我：呀，你對腳好大呀！（西先生今天穿了brickenstock的拖鞋）
西：係咩？
我：如果有朝起身，你一隻腳變到好大，一隻腳縮到好細，你會點呀？（何解我問得出這種問題呢？是的！我其實整天都在問朋友一些白痴的問題！）
西：哇！咁就發達啦，哩對「神奇的腳」一定可以上電視呀。
我：吓？
西：要「Sharing」丫嘛，俾大家一齊睇囉。
我：（狂笑中）（他竟然說SHARING喎！！）
