四年前的我們。這段文字，是火車頭thomas西先生寫的。
2004-07-27 16:58
張基: 一出閘既時侯呀.."威力人妖"一馬當先帶出兩個馬位...守住第二位既係"zz皇子"..跟住半個身位後既有"ca姐傳奇"....並列第四同第五既有呢個"球王蘇娜"同"排骨仔"……跟住再後d有拍住拖一齊既"威力鼠"同哩個"爆槳熊"....包尾大王既係"排爐之皇"...但跑到就嘔電......講翻前面....."威力人妖"一路係前面狂放...而第二有追上唻既"ca姐傳奇"...而"zz皇子"好似想留力等後追...嘩!!忽然"威力鼠"外擋好似入咗電咁狂追到上唻第四，第五既有好似扭緊波既"球王蘇娜"...跟隨其後仲係"爆槳熊"...而變左包尾既係"排骨仔"，可能係太瘦，得d虛火.....食多d野先啦....嘩嘩嘩...原來仲有"排爐之皇"係十萬八千里既塞外食緊塵....可能係肉身馬既關係，嘩,真係唔夠班喎....睇翻前面開始轉銀線灣既時侯，"ca姐傳奇"哩隻靚馬用佢美妙既跑姿三扒兩撥就過左"威力人妖"，而"zz皇子"好冷靜咁二仔底..死跟，好似大把係手，"威力人妖"落後到第三，但係仲未段斷，但哩個時侯"威力鼠"都不甘示弱，一步一步咁慢慢上唻黎拍住"威力人妖"喺第四位，其他馬都開始發力......嘩!!"球王蘇娜"何只係"蘇娜"直情係"馬勒當娜"好似有個波喺隻腳度咁，狂哂咁衝上唻....嘩....再睇落去"爆槳熊"見"威力鼠"突然發力，自然冇咁容易俾佢走甩，亦都發力走上唻....後面落後既兩隻馬"排骨仔"同"排爐之皇"....嘩!!!奇景呀!竟然發生一宗馬食馬事件.....因"排骨仔"自知瘦得滯無力，而"排爐之皇"亦知自己為肉身馬，唔夠跑，所以狂俾自己d"扒"俾"排骨仔"食，卒之"排骨仔"食飽後，壯咗及自信心翻哂唻，而"排爐之皇"亦收哂身，所以兩隻馬都可以同時發力急起直追.....嘩!我張基講幾廿年馬都真係見所未見，聞所未聞!!
開始轉灣入直0既時侯，"ca姐傳奇"首先帶出，而zz皇子哩個時候發力，但"威力人妖"係唔會放棄，佢用無窮既毅力，一定要追到"ca姐傳奇"為止，前面幾隻馬殺得難分難解，叮噹馬頭，最後一百米....幾隻落後既馬都殺上唻加入戰團，衝線時侯，八隻馬一齊衝過終點，嘩!!!要影相呀......!
張基:標叔!究竟邊隻Win呀?你估"威力人妖"追唔追到"ca姐傳奇"吖?
標叔:"威力人妖"機會都有既，都係高質馬，但"ca姐傳奇"都係一隻靚馬，要追到都有一定難度，所以都好難講........
張基:影相完畢........嘩嘩嘩!....跑幾廿年馬都未見過，八隻平頭冠軍!!!真係大家happy!!!
