「喂，到時亞V唔識游，一手扯落你件泳衣，你咪大鑊？成條繩甩開架喎！」
「你著件咁花既泳衣去學游水，會唔會太爆呀？」（我一直也對此感到懷疑，那是時裝化了的泳衣，真的能穿去游泳嗎？不對，是習泳……）
「你件咁既泳衣，加頂鮮黃色永帽，人見人打喎！」（係囉，我也不明白為何我會買了鮮檸檬黃的泳帽，顏色配搭方面，是錯晒的。）
「我地好想去偷拍你呀！放上U-tube都好吖，俾大家笑吓……」
「你遇溺時，叫Yoko救你啦。……點救？佢咪伸隻腳落池，叫你捉實佢囉，佢隻蛙鞋腳夠大又夠力吖嘛！」
「你泳衣條繩真係甩開咗，你會點算呀？喂，唔係喎，如果佢遇溺時，可能個教練只係救佢條繩囉！哈哈哈……（整群禽獸在狂笑，那時正在橫過馬路）」
輿論的壓力，確實驚人。我真的開始在想，是否該去買多套泳衣……。問心，泳衣的圖案的確又幾花俏，可以幻想到，一個身穿如此泳衣的人，加一頂鮮黃泳帽，再來一個特大近視味鏡，是很天怒人憤的。但如果我像Kylie一樣，在泳帽外，加條同款式的頭巾呢？又OK喎。但我現在去習泳，而非拍廣告喎。唉，究竟我想點……。
