自稱火車頭Thomas的西先生問，你幹嘛要儲錢呀？我說因為我上太空（！）。
西：吓？咁要幾多錢呀？
我：四十億到啦。計埋通漲咯。
西：咁你一年儲到幾錢呀？應該問，你唔出去吃一餐晏，慳到幾錢先？
我：一餐Lunch五十蚊囉，咁一星期都慳到$250架！一年就慳到萬二蚊啦。
西：你要幾錢上太空話？四十億喎……但話時話，點解你要上太空呢？為左避我電話呀？
我：咁又唔係。因為呢，我成日睇戲，見D人坐喺太空船裡面，回望地球個一刻，好有型呀！我都想拍哩個鏡頭囉。
西：（！）咁，四十億邊夠呀，你仲要成隊crew上去幫你拍喎，仲要化妝呢。
我：得啦，你咪理我啦，拿拿聲借二千過我先！
西：（！！）嗯，我有D事，遲D先搵你（邊說仲邊扮電話線被騷擾的聲音，頂吖！）
