我算不算大眾秘書呢？昨天自稱火車頭Thomas的西先生致電我，叫我幫幫他。不外乎又是幫他打一封「要求升職」的信。我說我好忙的，你別阻延我下班的時間好不好（那時都已1740了）。西先生不停說「唔該呀求吓你呀幫吓手啦」達二萬次之多後，我答應了他。而條件是，我要他裝成被魚咬傷……我：你有無試過去魚池餵魚呢？即係有成千上萬既魚游埋唻，等你餵佢地，你一扔舊麵包落去呢，佢地就發晒狂咁，魚疊魚咁狂搶……你見過未呀？
西：（傻頭傻腦的，還不知道大難臨頭）有呀有呀，佢地疊成幾層咁架嘛！
我：家吓你幻想吓，我將你成個人都紥滿麵包，再扔落魚池，D魚會點？
西：吓？佢地咪發狂咁咬我囉。
我：無錯！你即刻扮D魚咬你既聲俾我聽，否則我唔幫你！
西：（！）卟卟卟….卟卟卟……（怪咬聲一輪）（又真係幾似喎，總之係D魚群發狂咁咬嘢咁既聲啦）
我：（狂笑中）唔得！我要立體聲，你又要扮D魚點咬你既聲，又要扮埋自己俾魚咬既慘叫聲！
西：（！！）卟卟卟……哇雪雪……卟卟卟……唔好咬…我…呀……
我：（笑到死咗）（當時身在公司喎）
西：……你應該快被炒勒喎……
結果，我幫他打了那封「要求升職」信。
