昨天下班時，我跟果仔說，亞鼠買的股票插水，快要吃樹皮了。
果：吃樹皮？佢就想呀！
我：吃樹皮已好慘啦。
果：死皮就有得佢吃。
我：吓？死皮！好毒喎你。
果：我教佢死皮撈鼻屎吃添呀，可升市架！
我：…………
+++++
昨晚去了吃壽司（還有心情去吃壽司！）。進吃途中，接到自稱火車頭Thomas西先生的電話。
我：喂，你打俾亞鼠啦，佢炒燶股呀，要跳樓呀佢。
西：佢死咗，地獄都唔收佢啦。
我：都收既，可能佢要落第十九層囉。
西：咁我點打俾佢先？
我：你打9383xxxx啦，但前頭加個19。即係area code係(19)呀。
西：咁打俾佢，係長途喎，係咪collect call先？
我：你咪咁計較好無。
西：咁又係，大不了我燒D錢過佢。
掛線後，我忽然想到，咦！我不是說要積口德嗎？妖！又破了戒。好怕跌市耶。
