自稱火車頭的Thomas西先生，昨天致電我，又叫我介紹女孩子給他。我說你何不學學小玉的男朋友呀？他就是會煮東西給小玉，小玉才會獻身給他的。西先生問，小玉的男友弄了什麼東西給她吃呢？我說那天小玉生日，他男友特地租了渡假屋，還煮了一樣東西給她吃。我叫西先生猜，到底小玉的男友，煮了什麼菜式出來。
西：焗蛋糕？
我：不是啦，好爆的！
西：唔係法國菜呀？
我：好爆喎！法國菜都唔爆。
西：渡假屋咁簡陋，得個電磁爐同一個煲，佢煮法國菜仲唔爆呀？
我：除左好爆，吃完後仲好滯既。同埋濕濕地既。
西：濕濕地？唔係咁爆佢蒸隻粽俾小玉呀？
我：（狂笑）哩個都唔爆。總之吃咗後會好飽好膩，馬上想造愛既！
西：吓？！佢自己帶個BBQ爐去燒烤呀？
我：你燒完烤後好想造愛咩？再估啦。（狂笑）我再俾個好勁既貼士你，係貓王同劉德華都好鍾意吃既。（絕對是順口開河囉）
西：嗯……（真的盡力思考）我知！枝竹羊腩煲！
我：（狂笑）貓王吃過枝竹羊腩煲嘛？
西：點估呀大哥？係咪西野唻架？
我：無錯，係西式既，六個字既！好大貼士啦今次。
西：美式忌廉雞湯？古古力牛腩煲？焗法國蝸牛飯？……（不停說出六個字的西式菜）
我：（在車上狂笑不止）（我覺得有人會報警，繼而把我捉去瘋人院囉）
西：我想問，點解你知係貓王同Andy Lau都鍾意吃先？
我：你咪理啦！估啦繼續……
（如是者，再猜了五分鐘）
我：你真係無用，我開估啦，係「白汁雞皇意粉」呀！
西：吓？！？！？！？ @#$%^U&#$%^&*($%^&*($%^&*()$%^&*(
