「你好啊！看了你這個 blog 已很經好耐啦…只是一直都無 email 給你。
見你講起森林家族呢，我真係忍唔住喇…
我以前細個又係極愛這個家族，嚷著要爸買。
而我媽又是那種老是罵我爸寵壞我，現在就話我大洗…
幾經辛苦，終於 tum 爸買我一間大屋加很多成員及家私放在床尾，每晚也要跟他們談談心事，扮演一下角色才睡。
可惜，日子久了，搬屋執下少d，執下少d，已經唔見晒！
今年，聽我懂略命理的朋友說，要戴上與羊有關的東西，我想也不想，立即走到 sogo 買了家族成員羊仔，放在我的包包內。
唔知點解，好想送你一隻…不如你俾你地址我... 」
我把讀者C的信，傳給V小姐看。（申明：事先問過C小姐，才公開的）
v 說: 嘩， 你又有讀者禮物啦！恭喜你
zz 說: 係囉
zz 說: 我覺得有一日, 會有個殺手在我公司樓下等我, 好驚
v 說: 但我狂笑囉
zz 說: 我都係
v 說: 咩事呢我
zz 說: 最慘我真係咁諗
v 說: 聽我懂略命理的朋友說，要戴上與羊有關的東西，我想也不想，立即走到 sogo 買了家族成員羊仔，放在我的包包內 --> !!!!!!!!!!
zz 說: 會唔會係殺手唻架佢
v 說: 森林殺手？
zz 說: 頂
zz 說: (狂笑, 想死)
v 說: 你有日放工有隻殺手打扮既羊喺你公司樓下等你會點
zz 說: 得, 我會俾佢殺
v 說: 佢拎住你最怕既羊肉俾你食
v 說: 佢知殺人要坐監
v 說: 所以佢系咁迫你食佢同類
v 說: (狂笑中)
v 說: 點解我會講得出
v 說: 究竟我發生乜事呢
zz 說: 我都想知你咩事囉
+++++
鬧著笑的，希望C小姐別介意（她後來傳我電郵，說最好不要出全名。說好怕她的朋友知道她把羊仔放在包包中......）。另外，也謝謝好些心地好的朋友，說想送我森林家族的小動物。全心領了，你們那麼好，我覺得今天會升市啊！
