Monday, July 30, 2007

新同事。

今天(又)來了一位新同事。本來離離合合,散散聚聚乃常事,尤其對這間流失量極大的公司來說。但今天這位同事好爆囉,所以要寫一寫。

人事部的亞姐帶新同事巡場作介紹,他走近我時,我剛抬頭(正忙著接收電郵),一看到眼前的人,「!」,怎麼伊健來了呀?但那是350磅的鄭伊健囉。(其實只是長髮有點像E-Kin,但現在伊健都剪了頭髮啦)。而新同事穿一身黑(黑恤衫黑呔黑褲子黑外套),他那麼胖,不怕熱的嗎?而且我覺得他像山雞(八十年代在荷里活商場買男裝的黑份子)。

當我把這事,告訴自稱火車頭Thomas的西先生時,他有以下的言論:
西:係咪你老細請佢返唻當沙包架?一輸股票,就叫佢入房,係咁側佢。
我:吓?……唔會啩。(但心想也有可能)
西:不如你「線」佢一鑊咯。
我:吓!?
西:你陣間同佢講,話老細搵佢,等佢盲中中入老細房,俾老細側囉。
我:哇!咁你太無人性。不如等老細唔喺度時,先話老細搵佢啦,佢入到房,又見唔到老細,之後我話佢撞邪囉。
西:都好。呀,佢一個人,坐幾多張櫈呢?
我:我唔敢望佢呀,我怕佢打我。佢好黑社會feel呀。
西:起碼都三張啦佢咁肥。

又,西先生問,這個世界上,究竟有沒有人關心他。他好想找女朋友喔……我代他寫的徵婚廣告,還未有時間寫……