西先生傳我一張MMS，寫：「嘩，我頂吖真係好似你呀！」。收到MMS的同時，這位先生的電話又到。西先生：喂，係咪好似你呀！？
我：（狂笑）少少，少少。（但我不明白，為何她的身軀，是火雞囉）（在所有變態的境物裡，他都能看到我的影像！）
+++++
談到LMF的新歌。
我：亞鼠話LMF最近有首新歌PLUG左上台喎，但完全係聽唔到佢唱咩，好似好憤怒咁唱囉。
西先生：係咪咁呀？（開始自編自唱）%^&*%^&*()&*()你老母呀（用很憤怒的語氣唱出，你只隱約聽到最後那幾個字那種）
我：（又狂笑）係呀係呀，類似啦。亞鼠話一聽完，輪到佢好憤怒囉，都唔知唱咩。
西先生：咁你呢？
我：我？！我一知道佢買左四百蚊既企位，咪到我憤怒囉！
+++++
又提到聖誕禮物。救命。
西先生：咁你送咩俾我呀？
我：唉，我想問你知唔知咩叫倉鼠先？
西先生：（一頭霧水）吓？！係咪灰色個Ｄ呀？
我：有灰色同黃色架，好CUTE架。如果有人送件有帽既外套俾你，但個背脊係有個大大既熨畫，係一隻倉鼠唻，仲寫住「CUTE CUTE西倉鼠」，咁你會點呢？
西先生（好大反應）：哇，咁就爆咯！我一收到，首先會深呼吸，因為要制止自己掹槍！之後呢，先唻一陣好勁既電結他聲，噔噔噔……轟轟轟………（他大哥馬上扮結他聲喎！很嘈耳那種，我不懂怎寫囉，但好神似的！當時他在寫字樓）然後就會唱，%^&$%^&^&**$^&$$@@你老母呀！！（類似LMF那首新歌）
哇，整個過程，我站在港鐡裡，笑到眼淚都標出來！咩事先？？！
