每年總有些時段，朋友間會互相折磨的。譬如說，在聖誕節的聖誕禮物上。
西先生（喜孜孜）：喂，你估我今年送咩聖誕禮物俾你？包你實鍾意架！我可以寫包單！！（以十分肯定的語氣）
我：………………（馬上好驚！因為根據過往經驗，他認為我喜歡的，十之八九我不會喜歡。現在他還大聲夾肯定地說我一定喜歡，那麼，我可以預測到，我是一定不喜歡囉！唉）
西先生（繼續喜孜孜）：肯定你收到後，會在blog裡狂寫一星期，又會用多個角度拍份禮物！你一定勁開心架！
我：………（繼續沉默，真的超驚）………
西先生（依然喜孜孜）：你諗都無諗過我會送哩樣野俾你架！包你十萬個驚喜呀！你會開心到跳起囉！！
我：（實在忍不住）我好驚囉你咁講，你唔係送個chanel 2.55俾我呀？除左哩個手袋我係夢寐以求，無其它野我想要囉。
西先生（被我打沉後，繼續鍥而不捨）：黐線，你真係一定鍾意架。係別出生面架！
我：哇頂，你唔係送個真人版既「鬼太郎」玩具俾我呀嘛？我唔要呀，屋企無位擺呀！
西先生：唔係呀！好勁架！你實鍾意！如果你唔鍾意，我會即場走去買條鍊俾你，再送多份禮物俾你！（我之前跟他說，想要一條銀鍊子。指定當然好一點啦，一會兒他大哥又不知買來什麼我不喜歡的，那更不環保吧？！）
我：咁你買定俾條鍊俾我都得勒。
西先生：喂，咁你又送咩俾我做聖誕禮物呢？
我：tee-shirt囉！（擺明要整死他，任何時節都送tee！）
西先生：我唔要呀頂你！！！
