下班時份，本要匆匆趕去練琴，怎料還要幫老闆買聖誕掛飾，用以裝飾他家的聖誕樹。唉。唯有以極速仆去銅鑼灣，港鐵裡，有以下的電話對話………。
我：好灰囉，仲要趕去買聖誕樹既掛飾俾我老闆。
西先生：你求其買d死亡掛飾咪得囉，又骷髏頭又白骨個d呀。
我：唉，你估我老闆棵聖誕樹幾高？！
西先生：哇，唔係得一呎呀？一呎高但要你買十萬幾樣野掛上去？
我（爆笑起來，一呎喎！）：又唔係。
西先生：唔係十七呎呀？
我（狂笑）：如果咁高，我第一件事去買堂梯先啦大哥。
西先生：你買d薯片掛上去咪得囉，又夠大包，又可以party拎唻吃，唔駛煩丫嘛。
我：！！！
+++++
又談到週三的聖誕聚餐。
西先生：喂，你送咩俾我唧？
我：唉，都話tee-shirt咯！你咪再煩我啦求下你。仲有，亞v有無同你講，人人要帶份禮物去大抽獎架？
西先生：妖，你班賤人肯定又拎屋企d垃圾去抽啦。
我：咩唧！咁環保嘛，我覺得無用既野，可能你覺得有用呢。
西先生：咁我拎條著過既底褲去抽囉，睇吓邊個有用囉。
我（又開始狂笑）：著左幾多日先？
西先生：起碼三、四日個d，個do do位(小便的位置)係黐埋一舊既，個ng ng位(大便的位置)係好多漬既，哇，陣味一定臭到冤。
我（停不了的狂笑）：如果bb抽中咗，你估佢會點？佢實拎刀捅你呀。
西先生：佢可能即刻送俾女朋友添呀！
我：哇)))))))))))))))))))))))))好賤呀你！！！
+++++
年年都有這種抽獎時刻。不知今年最爆的那份，是誰帶去。
週三我會變身小記者，拍下當晚的變態事情。又，那段短片，會交專人打格仔（我真的不能曝光），這週四或五，希望可以放在這裡吧。
