我：Tiger Woods好慘呀，好似如果離婚，要賠五億美金俾佢太太呀。西先生：佢有幾十億喎，都係九虎一毛唧。
我：咁仲要俾情婦掩口費呢？哩個幾百萬，果個幾百萬咁，真係慘。
西先生（開始發表我已聽了八千幾次的偉論）：都話男人係咸濕架啦，無一個男人係受得住誘惑架！每個男人對住獵物都會色心起囉………
我（打斷他）：哇，又唻？！夠勒，我聽過二萬六千次啦大哥！
西先生：咩呀，真架！你估bb面對誘惑時，唔會扯旗呀？佢咪一樣會。連唐僧都會啦！（又唻！！！）
我堅決地認為：我覺得bb唔會囉。雙魚座唔係乜都擺得落個口架，我地好揀擇架，又要合乎衛生，又怕豬流感，總之我地好奄尖，唔係只係為「食野」而食野囉。（食野＝找性伴）
西先生：你信我啦，bb都係男人唧，佢見到蜘蛛精一定受唔住抵擋。
我（不想與他再糾纏下去，馬上轉話題）：喂，bb前排帶女友去咗吃松露呀！好浪漫呀。
西先生以不屑的語氣：松露好吃咩？都唔知點解咁貴！
我：你唔抵得人唧！
西先生（繼續不屑）：唓，個ｄ松露肯定好似發泡膠咁既味！（他吃過發泡膠嗎？）而且咁貴，只係因為個配料貴唧，松露都唔值錢！
我：吓？！？！？！（第一次聽到這種言論）
西先生：即係個d豉油呀、薑絲呀、腐乳醬配埋落d松露，伴碟先貴呀！
我：………（無言以對）………
