自稱火車頭Thomas的西先生，可能生來有點使命，要將我置諸死地，故此這幾年間都不停地精神轟炸著我。
前幾天的婚宴，有這樣的一幕。
朋友們都知道我是經典的數學白痴，對計算一竅不通，對數字又毫無概念。話說上兩週我為了「如何用計算機來按：689x 2/3(三份二)」也到處問人。
菲比小姐：下？！你唔好玩野喎，點樣計乘三份二都要問？
我：真係唔識呀，快D教我啦，十萬火急呀！
菲比小姐：你乘二再除三咪得囉。
我：係咩？唔該晒唔該晒。
婚宴那個晚上，菲比小姐舊事重提。
菲比：其實應該發明一部計數機，上面有三份二哩個製囉。
我（興奮地）：係呀，好呀，我要呀！
菲比：不過好可能哩個世界上，得你，同埋D唐氏綜合症既人先會要囉。
我：……。
西先生此際插口道：咩呀？！真係設計俾佢，部機一定好巨型，又咩2/17，2/9呀，6/91呀咁，肯定好似美國國防部咁大囉部機。
我：……。
+++++
今早西先生又致電我，問我懂用自己的相機沒有。又問我為何不買一部微型一點的，我說卡片機的鏡頭小，ISO不高呀。他問我的相機ISO有沒有一千？
我：我部機ISO3200呀。
西（心有不甘地）：噢3200丫嘛，咁快門幾多呀又？
我（慘，真係唔知喎）：咩呀，八萬六囉咩事先？！（開始亂唻）
西（得屬晒）：噢86000丫嘛，咁有幾快先？
我：你唔好理，總之好勁，可以拍低鯊魚在海底點咬人既場面呀。
西：係咪條鯊魚係咁咬你個頭，你個快門都快到可以連環拍到先？
我：係！！
然後西先生，竟然在電話中，扮起鯊魚咬人的聲音來（！）。
西：拍我啦拍我啦……
我：（狂笑中）
