我想，在朋友的心目中，我還是一個該被雷劈的人吧？雖然我常常都覺得自己很友善，很溫婉，樣子很楚楚可憐。
今天早上呢，自稱火車頭thomas的西先生率先致電我，說有舉世大新聞要搶閘告訴我。我有點不耐煩，問他什麼事那麼嚴重呀？他鬼死那麼興奮地說，在美國的迪士尼，跳跳虎打人哦！
我（極度不耐煩）：妖，有咩咁勁呀又？
西：跳跳虎隨處打人喎，唔好笑咩？
我：咁又點呢？
西（笑到上氣不接下氣）：你唔覺好好笑咩？佢追住個細路唻打喎，仲俾人拉左，要坐監呀。
我：你唔係認為隻跳跳虎係我扮呀？
西：唔係，我想個俾人打既細路係你唧！
我：我頂！
+++++
我在朋友心目中的「暴力指數」，是爆燈的。又難怪，我整天趁亂，都意圖接近那些人扮的動物，借意打他們幾拳玩玩的。最近，銅鑼灣整天都有塊人型的「扒」在街上走動，該是某間日式食肆的宣傳手法。那天在街上，他就在我身邊擦肩而過，剛好那天我有點心情不佳，一時毛燥，真的好想衝前去摳他一頓。想唧，但我沒有做，放心。他也只是打份工，我明白的。
+++++
不幸的是，中午時段，又有朋友致電我，跟我說起這件事。似乎人人一想到那些「人型動物」，就想到我。惡名遠播。
