一連三個晚上，我與Ca小姐都馬不停蹄地到處逛。想買的，大致都買齊了；想在「激安」時買的，也鎖定了目標。今早某位朋友致電我，問某個袋子在某間商舖，現在打了折是多少錢。（是否我在別人心目中，已被鑑定為一個消費師太呢？）但我又能馬上不加思索地答了他的問題（！）。「減左價三千三囉！」朋友說死都要等到「激安」才去買，又約我今年不如一道去。
我：唔得喎，我一早約左亞ca喎。
友：車，一齊去囉咩事唧。
我：唔得喎，佢會黑面架喎。
友：車，點解要黑面唧？
我：咁哩d係我同佢，一年兩次既親子活動嘛！（但說完後，我又想到什麼「親子活動」呀？）
+++++
自稱火車頭Thomas的西先生，今早找我閒聊。期間談到相機，我說剛買了一部G7，好勁的。他問G7是怎樣的呀？我說是半專業的相機啦，拿著上街，好有型的哦。他又問多少錢，我說了價錢後，有以下對話：
西：哇！？咁貴！？你不外乎都係影下燒肉呀，碟頭飯咁，駛唔駛買到咁高質素呀？
我：咩唧，都不知幾有型呀！
西：呀，你個人就係咁，成日都將錢浪費在哩D虛無既野度。
我：……。
+++++
今早張燕小姐與我通電話（呀！我份工又真係頗清閒，原來這個早上我跟那麼多人聊過天），她說，假如我的公司要裁人，第一個該把我裁掉。我甚至乎要自動請纓，跟老闆說：「炒我啦，留低D有用既同事先岩，第一個炒我先啦唔該。」說罷，張燕小姐自顧自地狂笑起來，我在聽筒的另一邊，皺著眉，心想張小姐可能抑壓過度，現在瘋了，都沒人答理她，但竟可以自問自答又笑不停，好可怕。
