我：叫冬蔭公啦，好耐無吃過。
同事：我頂你，幾耐無吃呀？我昨天先吃完酸辣豬軟骨米線。
我：唓，咁兩樣嘢唻架嘛小姐。
同事：頂你呀，咪差唔多味！唔理，一於叫哩間「忘不了｣。
我（指著同事，跟另一位經過的男同事控訴）：哇家吓佢咁粗口架，開口埋口都頂頂聲！
男同事：妖你咪一樣！
我：頂你呀！我係一向係咁，但佢係近來先開始粗魯丫嘛！
男同事：頂你，佢咪都係成日咁。
我：仆街吖！
（結論是：大家都好粗口！）（結果，叫了「忘不了｣，若然不好吃，我一定會去Admin.部門尋仇的！)
+++++
近來我們旗下某廠房的經理常來開會，他是老闆眼前的紅人，不過人很好，沒什麼架子。我與他都算頗熟，除了工作的接觸，有時也會說些無聊話（OK，其實我對公司上下仝人都會說無聊話的）。在會議室看到他，又開始亂扯。
我：喂，睇你個樣，肯定成日上Facebook啦！（實情是，他工作忙得應該連睡覺都沒有時間）
黃經理：無啦，一年都上唔到一次。
我：亞老闆都有Facebook架喎！
黃經理（面也青晒）：吓？！你講真架？
我：係呀，你仲唔快d add佢？！
黃經理：哇我馬上delete個facebook呀唔係講笑！你講真架，老闆真係有呀？
我：妖，講笑唧，唔駛咁認真丫嘛？！
黃經理：唉，我好單純架，你講咩我都信架小姐。
（結論：大家都不願意與老闆有任何非工作上的接觸）
+++++
志雲大師復職，相信那時在他落難時，對他一沉百踩的人，現在會感到非常不安吧？我常常覺得，世界是圓的哦，在別人落難時，做不了雪中送炭，也不要落井下石。留一線，日後好相見，雖然這樣有點性格模糊，但我卻是這樣的人。
愛恨分明不是不好（而且很有型），但是，到了我這個年過半百的年紀，就會明白到，無須什麼都那麼烈，灼灼的火會燒壞人，在大多時日裡，得饒人處且饒人未嘗不是養生之道。
+++++
拍擋：咪住先！上次我見到你買咗包「魚酥｣返唻架！去咗邊？！
我：吓？！一早吃Q咗啦，你想吃咩？我買俾你吃囉。
原來她一直吼住我那包魚酥！就今天下班去買。
