近來常被投訴，說怎麼少了與西先生的對話｡果然他是敝站的台柱｡今天中午他又致電來，談了十分鐘，節錄如下，以應大家的需求｡
我拿起電話：喂，點呀？
西先生：你好，我係諸木魚呀！（扮成弱智仔的聲音）
我：吓？諸木朗馬翁上既魚？（錯晒）
西先生：唔係呀，我係諸木魚丫，我打唻想問，點整諸木魚先好吃呀｡（我不明白為何他叫自己做諸木魚囉，抑或是豬木魚？）
我：你要先上諸木朗馬峰，再炸炸條魚就ｏｋ啦｡
西先生：用冰炸呀？
我：好無聊呀你，咩事呀打唻！！
+++++
提到昨晚與W小姐吃飯｡
我：昨晚我同Wendy吃飯呀｡
西先生：邊個wendy呀？呀，係咪個女巨人呀？（他們曾見過一次面的）
我（狂笑）：咩事呀你，有無好男仔介紹俾佢呀？
西先生：有！不過詹培忠咁既樣喎，O唔OK先？（說完自己就狂笑起來）
我：你咪咁賤好唔好｡
西先生：你快D幻想吓，詹培忠個髮型既男人，企係佢隔離，你會唔會笑先｡
我：………（馬上幻想起來）………我唔會囉………（女巨人與詹培忠？！，都不好笑）
我：喂，佢好勁呀，三月會去浸大教香港稅務既課程呀｡
西先生：教人瞞稅呀？
我：（狂笑起來）
+++++
談到近來有什麼電影好看｡
我：睇多次｢亞凡達｣囉｡｢蘇乞兒｣都OK｡
西先生：你有無覺得安志杰好似我呀？（哇，他果然是自大狂）
我：吓？！咁固然係｡不如初三你扮安志杰個造型出唻啦，搽白塊面扮中毒喎｡
西先生：定係我扮趙文卓出唻呀？
我：咁唔駛扮，你已好乞衣啦｡
+++++
提議玩新點子｡
我：不如你扮第一次打電話俾我丫｡
西先生：好呀｡……喂，你好嘛，你記唔記得我係邊個呀？（扮成好純品的男仔聲）
我：噢，你係諸木魚先生？（咩事呢我，諸木魚先生喎）
西先生：係呀，不如我地去做爆房咯（說時，聲音忽然變得很淫賤）
我：（又開始狂笑）
+++++
大家提到某位我們圈中的朋友｡那位女子，嗜好是｢扮處女｣｡是扮喎，OK？！有次與某位性愛能手做愛時（那個稱自己為性愛能手的男子，不方便透露是誰啦，明晒！），一直致力地扮著處女｡怎扮呢？好爆的｡就是不停地，以肉緊的表情假裝痛楚！還大叫，｢吖………好痛呀………細力Ｄ………｣但那位性愛能手說，她下面是鬆晒的喎｡
其實，有時候口賤的我們，在想到這件事時，也會立刻上身，即席發揮小宇宙，無論在食肆還是街上，一個扮性愛能手，一個扮假處女，來大玩特玩的｡
嗯，初三不如再排演一次吖｡
