由七位激增到十二位，今年的團拜極度人才鼎盛。
小花絮如下：
@今年才俊第一次公開帶同女友前來，我們之前還嘖嘖稱奇，不停猜測，是否才俊帶請柬來派發呀？西先生率先口賤起來：「哇，唔係新年流流咁炸我地呀？轟！轟！轟！」（說時不忘扮成被炸到變形的樣子）
@這頓飯，席間有人小聲問………
某：喂哩張枱邊個最大膽，不如問bb幾時結婚啦！（說時是望著西先生的）
房小姐聽到後，那上指著西先生！
西先生：哇，我唔敢架，叫亞butt問啦，佢唔怕死。
bb此時已忍不住要答我們了………「得架勒，快架勒………」
@關於酒席問題，大家也擾攘了一陣。
我：喂bb，你會唔會請我地呀？
Butt：雖然安排我地坐得好遠，但我地都會衝上台架！
（大家狂笑起來）
西先生：係呀，就算坐近洗手間呀，走廊呀，我地都會衝上台囉。
V小姐：所以bb咪唔請我地囉。
西先生：係呀，可能會為我地單獨叫一圍，第二日先擺囉。呀，可能哩餐已當係囉。
@雖然被我們言語轟炸，但才俊伉儷春風滿臉，完全不當一回事。他的女友更是借了聾耳陳的耳朵一樣，只顧吃吃吃。先隊了半大個芋蝦，又吃了蛋散，然後狂挾桌子上的其它食物，完全是吃不停啊！小林尊都要甘拜下風吧？（不過最恐怖的，是他的女友，即使狂吃，都超瘦！！）
「哇搞錯呀，又係炸野？」
「咩事先，邊個點架？全都係煎炸野。」
「頂，點吃呀！？！？？！」
@咳咳，我想澄清，不關我事的。除了炸雞翼、煎蘿蔔糕、炸多春魚、炸春卷、炸腐皮卷（還是兩碟！）、煎蝦餅以外。又，我忘了問，是誰那麼好心，叫了一碟上湯白菜呢？真是煎炸海的甘露啊！
@yoko點了饅頭，西先生對此又不滿起來。
西先生：黐線架咩仲叫饅頭，鬥飢荒先吃哩d架喎。點會有人飲茶叫饅頭架？家下成枱都係野，邊個吃先？！
後來呢，又來了什麼糯米卷／牛肉卷之類的包點，又被西先生狂鬧。好煩呀他。
@點了好多東西啊！西先生說：「廚房肯定話，咩都拎去30號枱啦，佢地咩都要架！」嗯，看來也是。
@cy把小女兒也帶來，哇那簡直是微型版的cy啊！西先生的強項，是把小孩子弄哭，今天當然不會例外。好可憐啊那個小女孩。我見義勇為，說：「頂你呀，有報應架！」
@好快樂呀今天。希望這年，大家都整整齊齊，身體健康。
+++++
才俊最愛送我早到的生日禮物（我三月中才生日的），有一年好像一月尾已送了。也試過十月就送我聖誕禮物。我發覺自己的耐性，全有賴這種特殊的鍛鍊而來。謝謝呀，我會正日才開的！
