Friday, August 21, 2009

Food Court。

Food Court(山光道馬會)的悠閒時光。


每個月總有一個週六或週日的晚上,我會去到那個food court吃東西,與其說吃東西,不如說收風吧。有些飯局的主要目的,並非品餚,只為聯誼。只是貧家女的我,當然做不成會員,但我們身邊總有些朋友,可身兼數百個會所的成員。

剛過去的週六晚上,與朋友們在那裡聚餐。期間提到酒後駕駛,醫生朋友說,放支李司德林在司機座位旁,吹波仔時可告訴警察,呼吸中含有酒精成份,只因為剛剛漱完口。
我:哇,你咩醫生唻架,咁樣教人!
另一個牙醫插嘴:真係work架。
G先生說:驗尿實驗得出喎。
我:妖!真係炒左大嘢時,直頭唔駛吹波仔,要吹雞啦。
大家異口同聲:咁又係……
(對話極之無聊)

談到女牙醫的飃車紀錄。
G先生:有邊個唔識太古城車神WEN姐呀!(即那個女牙醫)
我:係囉,真係堅架,佢可以一路駕車一邊畫眼線架!
S小姐:有無咁厲害呀?(註:這位S小姐,是盛智文的前助理!能幹程度是二萬級)(OK,其實整班人都是專業人士,只有我是一件廢柴……)
G先生:WEN姐擦埋牙仲得添呀!
WEN姐(終於出聲):咁又無咁誇張,我只係畫個全妝唧,牙真係擦唔到。
我:(在旁狂笑)(因為這些對話,實在頂級無聊!)

我記得前年去北海道,下著雪,我們分三架車,WEN姐一直都帶著頭,任憑我們怎發力,都追不上她哦。

+++++

那個FOOD COURT的食物不錯。雖然我其實不太愛去FOOD COURT。像大家樂大快活一樣,不太喜歡要自己去取食物的那種感覺,沒法子,我實在太懶。