近來發生了件事，是這樣的。話說在遠方的雲小姐，想托我在香港買點東西。那當然沒問題啦，不過重點是，那樣東西，是我不熟悉的哦。又不是買衣買飾物，而是買XXX（翻版碟？內衣褲？），當時我已有點頭痛，擾攘了兩星期，還是不得要領，後來古先生見義勇為，幫了我去搜集資料。回來的答案非常詳盡（長氣），還建議說，不如幫我買下來先，等今週拿給我。我聽後，當然馬上喝止他啦，哇，那麼重，想拎死我嗎？
算盤是如此打的。我把所有集齊的資料，電郵給才俊，然後由才俊去買，再交即將飛美國的空姐b，由她親手交給雲小姐。即是，那個XXX前後勞煩了我、古先生、才俊，及空姐b。本來朋友一場，這點小事是沒什麼的啦，不過呢，才俊的反應，卻有點讓我意料不及。
今午致電遠在北京的給他，有如此的對話：
才俊：哇，佢好唔好意思呀？要煩到咁多人，XXX唔計，我地個D服務費又點計先？話晒你我都係行政人員，我要收番D Admin.費呀。
我：吓？！
才俊（繼續數下去）：大佬，你打電話唻講哩單野，Long D都$17.8一分鐘啦。
我：咁又係，仲傾左十幾分鐘添，但可以收順d嘛？
才俊：咩呀？China Mobile係咁貴架！Roaming呀大佬。而且我一落機連客都唔見（！），即刻返Business Centre收Email，都係錢唻架，$50一個鐘上網呀，又要download你個地圖呢（教才俊怎去那個地方）。
我：又岩，我scan都要收埋佢錢先。
才俊：我連客都唔見呀，咁緊急去接個order。
我（心想）：（係喎，才俊一分鐘上落幾十萬架嘛……，要賠俾佢，真係天文數字）
才俊（繼續數下去）：仲有呀，買完XXX仲要搭的士返家，都要CLAIM番雲小姐。
我：得得得，明晒！即刻寫BLOG。
才俊：佢見到你段野，應該都唔會再麻煩我地。
我：！！
