Wednesday, May 05, 2010

日常小事。

我在SMS裡與D說,喂我收到一封好爆的電郵呀!
(SMS)D:有幾爆??
(SMS)我:程度比世博香港館失火仲震撼!
(SMS)D:吓?!有失火咩?!(好明顯這位施主,是真以為香港館失火了,我覺得他那刻,是拋下手頭上的工作,馬上GOOGLE即時新聞囉)
(SMS)我:頂譬喻唧。(覺得他好低能)

+++++

下班時份,與古先生閒聊。
我:哇七點你仲離開OFFICE既?你唔係今日要去練跑咩?(極度心水清的我,絕對有資格做大眾秘書)
古先生:今日唔去啦,好累呀,昨晚瞓唔好。
我:搞錯呀你咁易氣餒架,你又話唔會咁易放棄既?!
古先生:咁我又無仙丹吃,梗係支持唔到啦。
我:!!!
古先生(再接再勵):喂,我好牙痛呀哩排。係由衷地牙痛。
我:!!!!!(裝作聽不到)

嗯,想在這裡用少少行數,寫寫吾友古先生。這位大哥,是少數與我頗談得來的異性好友。可能他是情聖托世吧,所以好清楚女人們的想法,日常與他上街,他又極能把同伴照顧妥當,嗯,不是妥當那麼簡單,而是有時會讓你覺得自己像個公主。與他在電話中閒聊,微微地咳嗽了兩聲,這位先生馬上察覺到,問,你要不要喝點水?今天我問他,喂你覺得在你身上,發生什麼事,才算最傷心呢?他想了兩秒就說,如果你離開我,我最傷心………。Ok,假如你是我,聽完這段話,是一點不會感動或覺得浪漫的。你只會冷冷地回敬他老哥一句:得啦,明架勒!(留番溝女時才講吧)我這位朋友,也是少數能與我有默契的人。不知怎形容,但那種親厚的感覺,自自然然地就形成了。

+++++

不記名小事一則。

有人今天在電話裡,跟我提到日常。
某位仁兄:唉,我家下放工返到屋企,只係去露台吃煙同飲酒,其它咩都做唔到呀?(其實在抱怨我用腦電波,干擾了他的日常運作)
我:吓?你一向都係咁架啦,咪玩嘢喎。
某位仁兄:咩呀!我以前返到唻,會睇電視(!),同埋上網囉。我最鍾意睇素顏天使個BLOG架!!(哇,原來是素顏小姐的FANS)
我:真架?!瘋狂上網睇佢個BLOG?
某位仁兄(堅決表示):係!瘋狂上網睇素顏個BLOG!!日日都睇幾轉,等佢UP-DATE。
我(心諗:呀你個衰人又唔見你咁勤睇我個BLOG?!):咁我要同佢講喎,佢會好開心應該。
某位仁兄:但我家下放工返到屋企,只係去露台吃煙同飲酒,其它咩都做唔到囉。(又唻?!)

今晚睇囉一係!