選址漆咸道的某間日式串燒店（名字忘了）（只是幾小時前的事！）。房小姐與店主相熟，故此得到厚待。一頓飯好便宜不特止，還持續地笑了兩個多小時。鑑於賤人賤語特多，只挑三項來寫算了。
（一）
（二）
有人新買了這套睡衣。沒有口德的我，第一個反應，是質疑：「咁似老麥套制服既？」我以為自己把口都好賤了，怎料一山還有一山高。
我：喂bb你評吓理，係咪真係咁差先？
Bb：（好有口德）嗯，ok啦。(但說時明顯是在掩著良心)
西先生：咪係囉，ok啦，要打丫嘛！肯定一著哩件睡衣，馬上有人衝出唻打佢囉，仲要係咁打佢個嘴喎！（說時開始狂扮被人左一拳右一拳地重擊，而且是重擊個嘴喎！你們想像到嗎？即是西先生不停在扮被人打，又扮左閃右避，而且還翻白眼！又扮聲大叫：「咩事呀？邊個打我？！」一人分飾幾角！！！）
咩事！！！！哇，我們笑到………單是我，已在不停地流眼淚了。
我（不停留眼淚）：夠勒，放過我可以嘛？喂，你估其實bb會唔會暗裡鍾意套睡衣呢？
西先生：唔知喎，但如果佢都敢著，都係俾人係咁打囉，第日起身成身都骨痛，仲以為係張床褥有問題囉。哩套咩睡衣唻架，真係夠膽死有人買喎！真係唔打佢都對唔住自己！係咁打係咁打（說時，又開始扮被人狂打個嘴！又唻過！！）嗱，真係「不可不信邪」！總之著左哩套睡衣，除左令人無晒性慾，仲會俾人狂打！
（而席間買了這套新睡衣的女子，最後証實還未穿這睡衣來睡過覺。不知她現在心裡怎想，會不會真的覺得「不可不信邪」………）
（三）
才俊看來相當忙碌，我們吃著飯，他還在查電郵（我都已夠忙啦，但他比我還忙喎！咁，真係好忙囉佢）。查完電郵，就悠閒地坐在那裡，聽我們聊白痴的對話，一副悠然自得的樣子。
賤口的人來了………
我：喂你地睇吓bb，佢就算坐係度，都係翩翩美男子唻架！（因為當時才俊的坐姿，是側身坐著，手臂搭在另一張椅背上，像極男模擺pose般，十分有型）
C小姐（這位小姐恐嚇我不能再出她的名字）：係喎！（說時馬上模仿起才俊的姿勢來）
西先生：咪即係再世潘安？！
我：咩呀？係安東尼呀！！（無錯，就是小甜甜裡的那個安東尼！其實我想點？！）
好戲來了！
西先生率先起義，扮起卡通版的安東尼來！怎扮呢？勁咯。先以手勢假裝胸前有大束的花邊與LACE（安東尼經典的恤衫），然後，西先生將一隻手叉在腰間，又扮騎在馬上，奔馳而來！口裡還說，「小甜甜，我是安東尼啊！」
唉。笑到肚痛囉最後。臉上的肌肉也很痛啊！
+++++
小插曲是，明天我這堆朋友會北上按摩。有人提到山茶花包包。
西先生：喂你個26.4點呀？家下歐羅跌喎。
房小姐：係囉，好平喎。不過深圳個D 3A貨其實同真差唔多囉。
C小姐：真係睇唔出架？
房小姐：係呀！好真架！成千銀一個，有埋盒囉。
EVA：咁不如明天幫佢買個啦（說時指指我）。
我：我要38.2喎！
C小姐：喂你地知唔知家下旺角有麵粉做既假IPHONE呀？
大家異口同聲：吓！？咁爆？！
C小姐：係呀，個盒係真既，但裡面部I-Phone係用麵粉整架囉。
（真的嗎？好爆喎！比38.2勁十倍哦！）
是晚的晚飯好開心好開心，因為，大家都是喪的。
