話說四月會舉辦一個燒烤大會，來慶祝V小姐與西先生的生日。我提議說，喂，只燒烤好悶喎！不如想點新意啦，來個什麼「乜乜之夜」都好呀。
西先生：咁你想點吖，有咩提議呢？
我：不如就叫「埃及燒烤之夜」啦。（不要問為什麼，我當時腦海裡浮現出金字埃，所以想到埃及）
西先生：咁你有咩心水造型先？
我：我？！勁咯，我咪「埃及蛇后」囉，仲會帶埋我條「埃及妖蛇」一齊唻。即係呢，我一吹簫，條蛇會由個桶度升上唻個種！極盡科幻之能事。
西先生：你條蛇，唔係就係亞V呀？！
我：無錯！就係佢。佢會由個紅油桶度標出唻。
西先生：…………………………………………
我（忽然醒覺）：呀唔係喎，紅油桶運送好困難喎，佢由個燒烤爐升上唻啦。
西先生：由個燒到紅晒既爐度，標上唻？
我：咁你唔好衰，佢會死架！唔駛太大火個D都OK既。咁你又會扮咩先？又話自己係咩「潮流教父達人」，你唔係未諗自己咩造型呀？！
西先生：咩呀，我一早諗咗啦，我係「埃及亞凡達」囉！
我（喪笑中）：勁喎！………咁到時邊個做評審，睇下邊個最搶鏡先？
西先生：我係主角嘛，梗係由我做評判啦。
我：你係法老西？！
西先生（好自豪）：係！無錯，我係至高無上既「法老西」！
+++++
我們的友，鼠小姐剛電髮不久，只賤的西先生就說，她的髮型像貴婦狗。又叫她「貴婦鼠」。今天呢，我們為了這個花名，又再賤口起來………
西先生：吠吠吠~~~吠吠吠~~~~吠吠吠~~~~（以聖誕歌的旋律，哼起來）
我：吠吠吠~~~吠吠吠~~~吠吠吠~~~（不其然也跟著唱起來）（是出奇地合拍喎） 喂，好勁呀我地，仲勁過張崇基張崇德囉，我地都可以去紅館開演唱會喎。
西先生（好興奮）：係呀，我地係「貴婦鼠二重奏合唱團」！
我（狂笑）：不過一開始都係唔好去紅館，我地要謙虛D，去新伊館開先。
西先生：係咪去完新伊館，跟住就去伊利莎白醫院呀？
我：梗係啦，仲唔俾人打到爆缸呀？！
西先生：吠吠吠~~~吠吠吠~~~~吠吠吠~~~~
我：吠吠吠~~~吠吠吠~~~吠吠吠~~~（大家又開始唱起來………）
+++++
今天的胡鬧完畢。謝謝。
