每當我在同事面前說起這件事，「你覺唔覺，如果平時同人打招呼呢，你平平淡淡咁，無厘朝氣架？但如果換轉係『喂~~~~~(高八度)』咁呢，真係人人聽後都開心晒囉！」。同事（們）聽後的反應，全在大笑。
在我大力宣揚下，有些同事已融入了這個「高八度招呼法」。今早，與銷售經理的對話如下：
我（撥電話）：喂~~~~~~（高八度），陳生！
銷售經理陳生：（呆了半秒）喂~~~~~~（明顯也高了五度），zoyee姐！（嗱，我好憎人咁叫我的！不過算數，銷售經理把口一向如此）
我：喂~~~~~~(又唻！)，老闆搵你呀！
銷售經理陳生：喂~~~~~~~（又學我），好呀，唔該晒！
（然後，我幫他們駁電話。掛線後，心情豁然開朗。信我，這種「高八度招呼法」真的好有功效。）
當然，也有人對這種正面的態度，抱以冷言冷語。我跟工作拍擋M小姐提及這個招呼法，她的回應是：「我唔覺WORK囉，我連屎都唔得閒苛呀！」言下之意，是我好得閒嗎？腦裡只想著這種無聊事情。（她這種回應，笑到我死咗）
另一個會計部門的女同事則說，「明架勒，以後你一咁叫法，我就知係有驚喜俾我！」（OK，我整天一找她，都是有濕滯事情要她幫忙的）
（醒！晒！神！）
喂~~~~~~（高八度），今日大家好嘛？
