與鼠小姐飯聚時談到禮物的話題上。
她說，今年法老西生日，她會送一份好爆的禮物給他。我問是什麼呀？她死都不肯告訴我，又說怕我會轉告給法老西知道云云。（我當然明白，如果法老西知道她送什麼後，會將她斬為九碌吧？因為這位小姐，是以作弄人為樂的）
鼠小姐：喂，我今日打過俾亞西呀，我話有個驚喜俾佢囉。
我：咁佢咩反應吖？
鼠小姐：佢問我，係「驚喜」，定「猄喜」先？又話唔想到時鬧爆我囉。
我：咁係咩唻架？！
鼠小姐：我係唔可以講架！
我：唉。不過話時話，對我唻講，最爆既禮物，係砌圖囉。仲要係二千塊，米老鼠個種喎。哇，俾我見到，一定x爆佢！
鼠小姐：咁好彩我無送過俾你………
我：你唔係諗住送砌圖俾法老西呀嘛！？佢殺人放火架！
鼠小姐：唔係唔係………
（她堅持不肯透露是什麼來的）
提到「埃及燒烤之夜」的抽獎儀式。鼠小姐說，她家有好些禮物，可以拿來現場當抽獎。
鼠小姐：哇有份禮物呢，係發左毛既竹籃囉，新架！我拎去俾大家抽，會唔會俾人打呢？
我：應該唔會既。大家只會敢怒而不敢言囉。除非係我或法老西抽到囉，咁我地會吊高你唻鞭。
鼠小姐：咁ok。
煩請大家當天，帶備家中沒用的東西來抽獎吧。我們最環保的了。
