午飯時段，被我們稱為「獅子山下」時間。就是大家圍在一起，團結地媽媽叉叉的時間。我覺得這個統稱非常傳神。「獅子山下」喎！可想而知，大家在艱苦的環境中，如何互相幫忙。
大家圍在一起，在公司的茶水間吃午飯，有時人多，有時人少。我是在公司吃飯的中堅份子，不愛外出覓食，總屈在公司速戰速決。今天好些人在茶水間午飯，我遲了進去，沒椅子坐了。男同事從士多房拿來另一椅子給我，極度好禮的我，馬上合十兼鞠躬，「唔該晒唔該晒！」口裡還唸唸有詞。
男同事嫌我玩嘢：快d拎張櫈啦頂！好重呀，仲鞠躬！！
我：………（喪笑）………
與同事間，天天都有好些笑料。偶爾也會爆粗，妖來妖去的。不過大家都好齊心，目標敵人只有一個。
+++++
有天，我（又失驚無神）問司機………
我：如果有日你斷左對腳，你會唔會自殺呀？
司機（似乎已習慣了我的反常，現在我問什麼，他就答什麼，已不再思考我的動機了）（因為，我是沒有動機的！總是想到什麼，就說出來）：嗯，咁家下義肢咁盛行，咪裝義肢囉。
我：咁嘛………咁如果你盲左對眼，又會唔會自殺呢？（我好想他自殺嗎？為何一直逼他答這種問題呢？我也不知道。）
司機：咁咪留喺屋企唔出街囉。
我：個問題係，你會唔會自殺先？！
司機（看來真的在思考）：………嗯，都唔會既，慢慢適應囉。
我：咁你又幾堅喎。你咩情況下，會自殺先？！（還咬著他不放……）
司機：…………………………（我猜，他想殺死我先，才自殺吧………）
