Thursday, March 11, 2010

蛋糕事件簿。

大家都好愛我啊!

兩點,收到亞楊以快遞寄來的生日卡,還有兩頁單行紙,是信來的。曾做過財經記者的亞楊,文筆確然是好,也沒有錯別字,他在信裡寫,今次特地用單行紙,目的只想我在這裡讚讚他的字筆端正了,不再像小學二年級生(OK,讚咗,滿意未?!)。

信裡還寫,「希望你收到這卡的同時,『Patisserie Tony Wong』的蛋糕也一併送了來」。吓?!蛋糕?!我反射性地,望望信封裡(黐線的嗎我?難道蛋糕真會藏在信封裡嗎?)

再想一想,那麼即是,稍後我將收到一個立體的玫瑰花蛋糕!

第一個反應:慘,點吃得晒呢?(1lbs的蛋糕,假如在公司分了它,又不夠喎)幸好想到,今晚房小姐來我家吃飯。

第二個動作,致電鼠小姐。
我:喂,你今晚去邊呀?不如唻我家吃蛋糕呀?
鼠小姐:吓?!好地地吃咩蛋糕呀?
我:唉,有個朋友訂左個蛋糕俾我囉,我剛剛先知。咁我邊度吃得晒唧。叫你上唻,唔係想請你吃蛋糕囉,我只係唔想浪費食物咋(我真係咁諗喎!)。
鼠小姐:都ok既。點解你唔留俾公司同事一齊吃呢?
我:咁1磅又唔夠分嘛。
鼠小姐:你認為幾多磅先夠分呢?
我:三磅啦。
鼠小姐:咳咳,明天你會收到個四磅既生日蛋糕。
我:!!!!!!!!!!!!!!!!!!!!!!!!!!!!!!
鼠小姐:訂左啦仆街,明天你會收到啦。

好感動哦………。四磅的蛋糕!!!