我覺得呢，像我這種記性奇差的人，尷尬的時刻總會比其它人多。今天電話響起，在辦公室接聽私人電話有點不智，我看著來電顯示，好陌生。於是我把頭低得差不多像鑽進桌子下去接了那個電話。來電者說是他是「XXX」（聽不清楚名字，又不能大聲地問他到底是誰），我再問，誰呀？他再說一遍「XXX」，好灰呀，我真的聽不清楚，最無奈是他能直接叫出我的名字，那即是說，他是認識我的，而不是白撞的。
我無可奈何，跟他說，你能打我的直線電話嗎？是XXXXXX。掛線後，他隨即致電來。以下內容，超荒誕。
XXX：點嘛你，最近好嘛？
我：我？好好呀，都係咁啦。（一頭霧水中，是誰呀是誰呀？）你呢，你又點呀？（試圖找出線索）
XXX：我幾好呀，都係搵下你傾計，無咩特別。
我：（！）咁好呀，有咩搞呀最近？（頂我不認識他的呀，幹嘛還要扮熟呢？）
XXX：都係咁啦，你呢？
我：（完全套不到料，還被反套）我OK啦。你又點呀？（咩事呀究竟？像打球賽……）
XXX：真係無咩特別囉，同埋只係想搵下你傾計，咁耐唔見……
我（終於受夠了）：唔好意思呀，你可否原諒我問個問題，究竟你係邊個呢？
XXX：……我係xxx呀。
我：（這次聽清楚了）哦哦哦，哇，好耐無見……
是一間在又一城的店的售貨員囉！當然我們與他的關係，又不止是售貨員與顧客。但他大哥竟然在那麼漫長的日子後，我剛遺失了電話的這幾天，致電找我喎！很神奇。
