今早西先生又致電我問字。但今次那個詞語，讓我更想死！
西先生：喂，等你救命呀！要問字呀又。
我（當時正在忙）：點呀，快d啦！（語氣極衰，十級不耐煩）
西先生：我想問荊棘滿途個「荊棘」點寫呀？
我：！！！（當時我就想，呀這個大哥現在要作文嗎？荊棘喎！那麼文藝）………哇，好難講架喎，唉，個荊字，係草花頭，下面係個刑字！
西先生：型？形？邊個形呀？
我（谷住度氣）：酷刑個刑呀仆街！（又開始爆粗）
西先生（忽然醒目）：呀，即係刑事個刑？
我：勁喎！咁個棘字，我係完全唔識講你知既架囉………（不是不懂怎形容，只是對於一個世紀大文盲來說，你跟他說刺激個「刺」字的左手面，他會告訴你，他不懂個刺字怎寫囉！你不信嗎？……）
西先生：快d講我知啦，等住救命架！
我（一時心軟）：唉，個刺激個「刺」字，唔要右手邊呀！咁兩個朿字加埋就係棘啦。
西先生：吓？個刺激個「刺」字點寫架？
我：頂！！！（真的被我猜中！好想死）
結果，我跟他說，放過我吧求吓你，我掛線後SMS給你吧。
+++++
不知道是否大家都好想整我？昨天早上，D San也致電我問字。
D San：喂，我想問下個千祈個「祈」字點寫架？（其實我向來用「祈」，而非「其」，但哪個較正宗呢？我也不知道）
我：個「祈」字係「衫」字邊，但係少咗一點既！（有人明白我在說什麼嗎？不知何解，對著D San我總有點莫明的語障，可能與他溝通過於安心，就是知道無論自己如何的詞不達意，他都會明白的）
D San：係咪禮衣邊呀？
我：係係係！（禮衣邊，我竟然說是「衫」字邊！果然，他真的明白我在說什麼！）
D San：……………………………………
