我的其中一位前度，現在成了我的莫逆。大家輕輕挽手的走過來，自分開後，沒見面年多，然後，我們又再走在一起，成了知交好友。我深信自己成了他的心靈支柱，否則他不會每天都要搖個電話給我，才會安心。
下午雷暴警告，剛響了一陣悶雷，朋友就致電我，問我在哪？
友：喂，你係邊呀？
我：係公司囉，你擔心我俾雷劈中呀？
友：我就係怕你係街，明明個雷要劈你，但殃及到途人呀。
我：……。
朋友隸屬機動步隊，談到他現在在哪。
友：我家下係大欖女子監獄呀，要唻見個好重要既犯。
我：你唔係以為果個係我呀？
友：唉，我入到唻，翻查晒D資料，發現果個唔係你，我幾失望呀。
我：……。
談到曾經有段日子，我患病了，天天要去做療程。那時，他天天都守在我身邊，陪我一道去。
友：我前日經過你果時成日去做療程既醫務所，家下都無點變過喎。
我：係？
友：係呀。你個肺無咩勒嘛？個影無左啦。
我：係呀，哇，你仲記得呀？虧我咁鍚你呀。
友：梗係記得啦。不過你家下個肺無左個影，但個心就黑左囉。
我：……。
我發覺能跟他保持著親近的關係，皆因大家都很無聊。
