我流動電話的網絡是「3」。當初為了轉用I-PHONE，又簽了兩年的死約。不過這個台真的很不濟，好些地方的接收頻道都薄弱，尤其在港鐡裡，常會談著談著無故斷線。西先生已不止一次媽媽聲，強烈要求我轉用另一個電話網絡商。今天與他傾談時，又再次潛水，他恨得不停在電話裡爆粗。
西先生：嗱！我警告你呀，你好即刻去換咗個台佢，否則我就今日拎齊滅火桶上「3」搵佢地負氣。
我：咁你上到去點講先？
西先生：我一上到去，馬上大嗌，邊個爛坦負責910965XX個number既？即刻出唻！淝淝淝……（他在扮滅火桶淝出泡沫的聲音囉！）快d同我出唻！！淝淝淝……呀唔好呀唔關我地事架！你放過我地啦~~~（又開始尖聲扮「3」的服務小姐）……你老尾點解個台成日斷線，搞到我同唔到朋友傾電話？！轟轟轟……（扮將滅火桶鑿向店鋪）快！d！同！我！出！唻！！......救命呀唔關我地事架（又扮起服務小姐來）......
（這位先生可以同時一人演三角，我站擠迫的港鐵裡，不能笑得太狂，忍得很辛苦）我：喂，你的確扮得好神似，不過距離奧斯卡仲有少少距離，如果你可以同時演繹出兩把聲或以上，係同一時間喎！即係3D立體聲咁，就為之真係勁勒！
西先生：………咁我返去練一練佢先。
(真的可以嗎？......）
+++++
說到西先生在東京買了件TEE送V小姐的事情。
西先生：搞錯呀，亞V收到件TEE又唔打電話唻講多謝。
我：佢可能唔岩著囉，要斬短對腳先著到件TEE。
西先生：但件衫身短，關斬短對腳咩事先？
我：！係喎！（我也不知道為何她要斬短對腳先囉）
西先生：總之我好嬲呀，佢唔打唻講多謝。
我：可能件TEE太短，你知佢超模唻架嘛成八呎九，佢唔鍾意件TEE咁短，玩吓手問你索償添呀。
西先生：#&($%&()4%&()_@#%!@#%&()_+@#$%^&*()
+++++
我：喂，今年新年後，係咩年呀？（指生肖）
西先生：虎年囉，虎虎生威丫嘛。
我：咁如果今年亞邊個懷孕（某位朋友），咪可以生老虎仔囉。又唔係喎，今年懷孕，可能明年先可以生，咁明年又咩年呢？
西先生：明年？！咪狼年囉。
我：！！！（開始失控地笑起來……）
+++++
西先生：其實去睇LMF都幾危險喎，咁多人爆樽。又玩插針（有人在台上跳下來後，被觀眾舉起的手，互相傳送！）。
我：係架，個杜如風咪俾人不停傳送囉。俾我都狂抽佢水啦。
西先生：之咪，我肯定會擰佢個胸！（！）
我：係架，個BAND友飛落唻時，傳到我時，我實係咁摏佢DODO。
西先生：真係幾危險喎，如果無咩人時跳落唻，咪會跌傷囉？
我：你估好似你咁白痴咩，無人仲跳落唻呀？如果得我、亞Ｖ同JOYCE三個人，你會唔會跳落唻吖？
西先生：係喎，你地三個岩岩好高、中、矮喎，一級級咁。
我：係架，先係亞V浪住你個頭先，之後我插住你條腰，咁你對腳岩岩可以踢到JOYCE囉。FIT晒呀簡直。
西先生：都OK喎………
