二月頭的「The Merchants of Bollywood」快到，我想著該找誰與我一道去。邀請誰都可以，但若對方不喜歡看，而只因為陪我才進場，等同世間最悲慘的事情。因為：對方可能會在節目開始不久後，就睡起覺來。那時我總會感到內疚非常，要睡回家睡不很好嗎？但為了我，卻要坐著睡，好灰！
我決定找西先生陪我一起去看印度歌舞表演。為什麼呢？因為這位先生是癲的，而且也該喜歡這種官能性的視覺刺激吧？
我：喂，我有野問你，家下我會哼一段歌俾你聽，若你知係咩，咁我地繼續傾落去。若果你唔知，咁今日就收線啦。（在港鐵裡，我跟他如此說）
西先生：好呀，唻啦！
我：………﹌＊★︴﹏○*￡﹏＊○﹌★ﾐﾐ︺……… （其實我只是發出一些怪音，來模仿幾年前有個印度洗頭水廣告裡的廣告歌。你們有印像嗎？但別忘了，我是在港。鐵。裡。）（ok，我發現有很多非善意的眼神，向我掃過來，有點驚）
西先生：（狂笑）我知呀，係印度洗頭水隻歌唻！………﹌＊★︴﹏○*￡﹏＊○﹌★ﾐﾐ︺………（竟然自己開始唱起來！！！）（咩事！！！！！）
我：呀，你又幾勁喎！咁好啦，我繼續講啦，咁2月頭有個印度歌舞團來港獻技呀，不如一齊去睇啦，應該幾好睇！同埋我估洗頭水隻歌佢地都應該會唱囉（！）。
西先生：好喎！但駛唔駛著禮服唻架？話晒係opening night。
我：你著到成個印度人唻啦，要入鄉隨俗。
西先生：即係要著埋亞拉丁神燈先會著既鞋唻？
我：咁唔駛，你上身著到成個印度人咁，下身著nike得啦。不過記得用「祝君早安」白毛巾包實個頭，同埋帶埋你張被唻，扮飛毯呀！
西先生：………咁好啦………
事情就這麼定了。那天晚上，我拍下他當天的造型，放在這裡。
