昨天下班前，古先生在電話裡跟我說，覺得我好像小。動。物。即是，又馴服，又良善，又需要被保護，又毛茸茸兼一臉無知，哇是何等的可愛（！）呢！
小動物啊，試想想有人將你喻為小動物，是多令人開心的一件事……（ok，也許只有我才會那麼開心吧？……因為我真的覺得自己像小動物喎……）
我：你真的認為我似小動物呀？
古先生（很認真地答）：係呀。
我：即係容易受驚個d羚羊、鹿仔、小松鼠個類？
古先生：係呀，就係個類。
我：即係我唔係大象、河馬個種大型動物，而係好馴良既小動物？！（又問！）
古先生：係呀。（不厭其煩）
我：即係我做唔到好兇殘既老虎或獅子？只係做到好楚楚可憐既小動物呀？（仲問喎！）
古先生：係呀，個ｄ老虎獅子你扮唔唻架。
然後，我就由衷地快樂起來。我是小動物啊啊啊啊啊啊。
+++++
下班後，急不及待地，在電話裡將這事與月夜神分享。
我：喂，有人同我講，話我似小動物呀，即係………（本來想數一數小動物的特徵與優點，即是，又馴服，又良善，又毛茸茸兼SUPER CUTE，怎料還未開始，他已馬上打斷我的興緻……）
月夜神：小動物？鱷魚呀？！
我：！！！（鱷魚！！！？咩事呀請問？我好憤怒囉）
其實月夜神朋友，常常都數落我，說我很「惡」。也許不是「兇惡」，而是「惡搞」吧。即是一點也不像小動物般馴良。(你好嘢！)
+++++
今早呢，我又意圖將這事與西先生分享……
我：喂，有人話我個性似小動物呀！
西先生：吓？！犀牛呀？
我：小動物喎，好馴良個d喎。
西先生：犀年都馴良架，瞓覺個陣時，佢瞓時係吹波波架！（唉，這人，看太多卡通片了吧？）
我：咁瞓醒呢？
西先生：瞓醒咪狂撞人囉。
我：！！！（為什麼我總自找沒趣呢……）
