珍貴的午飯時間裡，西先生的電話又到。我一拿起聽筒，他就連珠炮發起來……
西先生：搞錯呀你，咁耐都唔搵我，我好唔開心呀，你唔打電話俾我！我擔心你架嘛………
我（喝止他）：喂你打唻咩事先？！就係因為我無打俾你？（事實上，我們確實有三兩天沒談電話，我好x忙啊！有時他中午打來，我也無暇接聽）
西先生：係呀，我唔開心咁耐無聽你把聲呀，又唔知你係咪俾老闆折磨死左。
我：咪講咁多，你肯定無去「3」幫我做野啦，家下我個電話仲成日窒窒吓咁！（前陣子他常說，要帶支滅火筒去「3」，來幫我報仇的）
西先生：我有喎明明！
我：我打左電話去問，佢地只係話最近有個靚仔上過去。
西先生：咪我囉！
我：個男人係拎住支唐僧棍架喎。
西先生：咪即係我囉！！
我：個男人仲係著住唐僧袍架喎。
西先生：仲扯埋旗添丫嘛，咪我咯都話。我係將支滅火筒放左在件袍內，形成一個扯旗既假象，一上到去，掀開件袍，咪拎支滅火筒出唻淝佢地囉。
我：………（笑到死咗）（唐僧扯旗喎，我記得西先生的名句是：『見到蜘蛛精，連唐僧都會扯旗』）………
