在電話中，我與古先生好喜歡互相數落。有點像小學生鬧嘴般，極度無聊。他說，每逢睡眠不足，就會加倍地感到肚子餓。而這位仁兄，平時的食量已相當驚人，如果感到肚子餓的時候，可以生吞一頭牛吧？
我：喂，如果打仗呢，你哩種人肯定死先啦，到處都無嘢吃。
古先生：點會呀！？我會吃人架嘛！(這位先生要是吃不飽，真會理智大失吃死屍，或活人的）
我：！……又係喎。咁我地都好夾喎，你可以吃其它人，我又唔怕捱餓，只吃少少野都可以維持好耐。我地應該可以存活多一陣。（古先生常會質疑我的食量，應該只比螞蟻的食量多一點）
古先生：咁我要保護你囉。
我：吓？？
古先生：弱肉強食呀，你哩種人，咪俾人吃囉！
我：頂！
+++++
我一直說他木訥，不懂得表達情感。
我：喂你真係似一個黑洞囉，即係人地投放幾多感情俾你，都俾你無窮無盡吸噬。
古先生：………………
我：你知唔知宇宙黑洞係點形成架？係大爆炸後形成。咁你既形成過程又係點呢？
古先生：咪俾你激到爆炸囉。
我：！！（然後我在港鐵裡，狂笑起來）
+++++
鋼琴老師說我前面那個學生記性很差，有時激死她。（那個女孩子，是個小學五、六年級的學生，胖胖的，頭髮帶點天然的髦曲，像獅子……）
我（順勢而上）：咁我激得你勁d，定佢勁d呢？
老師（認真地想了一想）：咁佢勁過你。
（我輸咗！）
老師：呀，我發覺你同小朋友一様，成日左右不分架喎（但，我有駕駛執照的，驚唔驚？）。我係會用顏色筆同佢地做筆記，等佢地以顏色唻分左右囉。
我（好雀躍地）：哇，咁你都同我用顏色筆唻畫筆記啦！
老師：………………
+++++
同事看見我今天的裝束，不止一次說起那件上衣漂亮。其實只是波波點的紫上衣而已。
同事：你今日件衫真係好靚喎，新架？
我：係呀。
同事（煞有介事）：不過如果你可以著對高跟鞋，就更好睇。
我：無錯！我今日係著左高跟鞋既！（回到公司換了鞋，因為這個早上有點亡命的事情趕著做，所以換了雙平底鞋）
同事（再下一城）：如果對高跟鞋，係紫色，就無敵囉。
我：無錯！！我對高跟鞋係紫色架！！！
同事輸晒。
