先報告Lucky Star的近況。實在有點爆，不得不寫下來。（有留意牠的下眼圈嗎？像畫了眼線哦，好有型！）今天早上有點忙，但我（死都要）抽空致電房小姐，問問狗狗的近況。對話如下：
我：喂，點呀隻狗，好似好乖咁喎！（她昨晚mms了照片給我看）
房小姐：係呀，佢真係好乖呀！
我：我只係想知，你返到屋企，你亞媽咩反應囉。（我這種好事之徒，最關心的，莫過於她家會否六國大封相……）
房小姐：無呀，我未返去前，在電話已同我亞媽講，會帶隻狗返去，佢一聽到，高八度聲咁話：『咩話？！』我之後咪急急收線囉。
我：跟住呢？
房小姐：返到屋企，我亞媽一見到隻狗，咪話：「哇咁大隻既？！」
我（狂笑）：好慘囉你亞媽，你正一死女包囉佢心諗。
當時的情況是，西先生與房小姐一同回到房小姐的家，西先生一進屋，就（扮）忙著砌籠子，與伯母不敢有任何的眼神交流（如果我是伯母，一定想斬他吧！明明是他想養的嘛，為何忽然養育狗狗的責任，會落到女兒的頭上呢？唉）。看呀，狗狗真的好乖哦！（可能大病初癒而已，或者病好後，會頑皮到不得了......）然後，（聰明的）房小姐趁她媽未發作前，就搶著說：哇，這隻是自來狗哦！（ok，多數的老人家，都存著舊式思想，當聽到「自來狗」這種名詞後，會馬上對那狗隻產生好感，那代表了好兆頭啊！）房媽媽聽後，當下就沒怎反對狗狗的居留問題了。
房小姐果然夠古惑。
+++++
以下的對話，有點黐線………。
我：咁Lucky Star家下精唔精神呀？
房小姐：麻麻呀，佢昨晚成晚係咁咳呀。
我：吓？點咳呀？好似人咁呀？咳咳吠……咳咳吠……咁呀？（不知何解，我會忽然扮起狗狗咳嗽的聲音來！）
房小姐：接近啦，但好過之前執佢個時啦，個時佢咳到氣若游絲咁呀（……嗚咳咳嗚……咳嗚嗚……我又扮起來！）不過昨晚呢，佢明顯係咳得有氣好多囉（……咳咳吠吠吠……咳咳咳……又扮！）（我在辦公室喎！）
我（忽然醒覺）：咩事呢我？點解要扮狗狗咳呢忽然？
房小姐：係囉，不過又幾似，不如唻多次吖～。
我：好呀！！（接著大家真的將方才的對白扮了多一次。好！無！聊！）
房小姐：其實呢，佢咳時係咁架，咳咳吠咳！吠吠咳咳！（很雄壯的男人聲，房小姐扮的）
我：……………….（咩事先？！我笑到流眼水）（我有時狂笑不停，就會這樣）……………..
+++++
Lucky Star真的好幸運哦，有那麼好的主人。等我有機會，上房小姐的家，去探訪牠。
