西先生見我慘過他，馬上轉換話題………
西：喂，你唔舒服，星期日去唔去到做義工架？
我：我去唔到，唔係你都唔去丫嘛？！
西：咁又唔係（語氣好低落，這位仁兄去做義工，分明只想在那個過程中，尋我們開心！）……話時話，今次可唔可以唔好好似上次咁，d老人家遍佈晒整個九龍呀？（註：上次去探訪獨居老人，分派的個案分別在不同區域，搞到我們頗趕忙，乘了幾次計程車）
我：咁唔到我話事架嘛，係中心安排架大哥。你係咪想全部老人家group晒在一座大廈，然後列晒隊，在電梯門口歡迎你丫？
西：差唔多勒，最好我地一出電梯，佢地就鞠躬敬禮，然後話"多謝義工大人開恩"……(他自己一邊說，一邊狂笑起來)
我：咁佢地需唔需要表演呢？
西：要架，要RAP，同埋扮MJ，行MOONWALK囉！
我：即係著晒白襪黑皮鞋？又要好似MC JIN係咁RAP維他檸檬茶廣告歌？
西：係呀，仲要戴埋勞工手套，不過事先對手套要浸吓玻璃先。
我：？
西：咁MJ對手套有碎鑽架嘛，佢地邊有呀，咪要浸吓玻璃先囉。
我：夠勒！（笑得好辛苦）
西：（開始自顧自RAP起來）YO~YO~CHECK IT UP YO~今日我地…YO~YO~唻，帶月餅，俾你地 YEAH~~，唔係唔係唔係，冰皮~~YOYO~~（一邊RAP，還一邊弄出捽碟的聲音，即是被斬成幾截的聲音那種）
我：（拿著電話，由本來的狂笑，變成狂咳……）夠勒大哥！我地去做義工，唔係玩架！你信唔信我寫晒出唻，等個D防止虐待老人團體圍剿你呀？
西：吓？！咁又唔好。
我：其實好多人想打你好耐啦。
西：咁你唔好寫我咁講過呀！陣間星期日我可能俾人斬。
我：即話寫“西先生叫我唔好寫是西先生如此說的”咁呀？
西：係囉。
週日一起做義工去。好期待。
