西先生出院後，又回復過往本色。
我：你見點呢？有無狂飲益力多呢？（註：醫生建議他，要多汲取益生菌，對他的腸胃有益）
西先生：有呀，我今日飲咗幾十排啦。
我：有無用益力多煮飯，同埋沖涼呢？
西先生：有呀，我個人都變到好似益力多咁既樽型。
我：…………
西先生：哩次咁病法，最衰係亞鼠！（註：前陣子鼠小姐去了澳門兩天遊，買了好些「鉅記」的花生糖給他。而西先生居然可以短短幾小時內幹掉所有的花生糖！……然後，佢咪要入院囉……）
我：咁你又唔可以怪佢，你自己衰唧。
西先生：咩呀？！上次照X光時，我個胃度有「鉅記」兩個字啊！哩鑊野點都要佢賠償架勒！
我：……………
與他傾談期間，手電響起，我媽來的。敷衍了幾句，我掛線，西先生在電話的另一邊，有以下的質疑：
西先生：我懷疑果個係伯母唻，你只有對佢，同對我，D語氣先咁衰！
我：咩呀？！
西先生：哩個世界只有兩個人，你先會咁對佢地，一個係你亞媽，一個係我！（說時語氣十分不忿）
我：頂！（狂笑！）
西先生：你成日話當我親人，我家下明晒，因為對親人個D語氣先會咁囉。
我：妖！我真係當你親人架，哩個世界我只會俾兩個人煩，一個係你，一個係我亞媽！！
西先生：…………………
西先生想我在這裡呼籲一下。他說現在要籌募醫藥費，因為沒買保險，現在打算去看私家醫生，以及檢驗一下身體，又說自己沒錢，所以想在這裡，看看有誰願意捐點善款給他。
西先生：拿！成日話你好多FANS，家下就係考驗佢地既時刻，我留埋個戶口在你個BLOG，跟住去CHECK數，睇下有無人捐錢，就知你有無號召力。
我：吓？！你睇醫生要人捐錢，關我咩事呀變態架！？
西：總之你照做啦，咪可以睇下你D FANS係咪堅囉。
我：？？？
我叫他月尾一起去做義工，又叫他積多點德（其實呢，我們叫他去，只因為他強壯如牛，到時的月餅盒，可全由他拿！）。
