今早收到網友寄我的電郵，信中提及今早在地鐵上遇見西先生，還說西先生西裝畢挺，一表人材（？）云云。我當時心想，唔係卦老友？他真是穿起龍袍都不像太子啦。馬上致電西先生求証。Ohhhhhhhhh，原來他還在睡覺………
我：你訓梗覺呀？無呀，今朝有網友話見到你，我睇下係咪真唧。
西（被吵醒的懨悶聲音）：你d網友係咪患咗「西西妄想症」呀？著西裝又點會係我呢？？
+++++
原來由我家去又一城的AMC，需時40分鐘的。唉。我2125離開家門，心想時間還很鬆動啦，怎落上上落落地鐡加上由灣仔去九龍塘的八個站，哇去到九龍塘地鐵站都2154了。極速狂跑去AMC，差點斷氣，在2159到場。電影在十點開始的。
散場2357，安坐家中時才0013。載我回家那位，果然是冼拿托世。
+++++
昨天下班時，覺得禮貌上該謝謝那位托我捐款給中心的朋友。正打算致電他時，我又想到，只說句謝謝就掛線，是否太齋（？）呢？。嗯………
先輸入133，再撥電話……
我：先生你好，我係必瘦站打俾你架。
對方：………
我：先生你聽到嘛？！
對方：嗯，咁點呢？（語氣不友善）
我：請問點稱呼呢？
對方：咩事先？（極度不耐煩）
我：噢無，你有朋友提供線報，話你需要減肥囉（說時自己笑起來……）
對方：吓？！？邊個呀？！？！（火都唻埋）
再玩下去就不好，我馬上道明來意，致謝後掛線。
我又發覺這位仁兄的反應，比普通人慢十拍的，果然切合他肥仔的身份。假如一個正常人，在聽到「必！瘦！站！」的推銷電話時，是會馬上掛線的吧？但他沒有，還繼續聽下去，又聽到火都唻埋那種。好奇怪耶。
