中午，我又以敢死隊的雄姿，再點「越式雞翼檬粉」。這次換了另一間食肆，味道不差。可惜，那種酸酸辣辣的汁，給的太少，不到一會，已被檬粉索乾了。嗯，只好想想辦法。
就在此時，吾友thomas西先生致電我，談完正事後（我們都有正事談，竟然！），我叫他猜，我用什麼東西來代替那酸辣的汁，淋向雞翼檬。
西：滾水呀？（因為以前他看見我進廚房炒菜，那真是碩果僅存的一次。而那次，在被油彈到幾乎開花的我，情急智生下，盛了一大盆水，倒進鑊內（！）（好爆囉其實），才得以控制局面。自此後，他就認為我煮什麼，都會倒水進去，來抑制突發的情況）
我：唔係呀。
西：唔係可樂呀？！
我：再爆d！
西：哇，你唔係倒今朝飲剩杯奶茶落去呀？all死你呀。
我：（狂笑）接近啦……
西：你淋咗d薯片落去呀？（西先生知我好愛吃薯片）
我：開估啦，是「豬腳薑裡面既薑醋」呀！
西：哇，咪黑晒，好似條條大路通陰間咁？
我：………
