下午時份，我們圏中的活動發起人致電我，問，這週三的火鍋在哪吃呀？我說隨便啦，去回上次那間「火鍋本色」吧。（又好吃，地點又便利，價錢合理，還想怎樣呀？）
接著，臨到下班時份，就火鍋的團體活動，發起人又致電我（頂丫我其實真的超忙，何解整天要問我火鍋去哪吃的事呢？難道我的生命及價值，就建立在火鍋上嗎？）她解晝說，自稱火車頭的thomas西先生說現在經濟不好，能不能去些便宜的地方打邊爐呢？
我（無名火起三千丈，強忍著不在辦公室爆粗）：咩事呀？！家下日日三餐都打邊爐咩？咁都嫌貴？！打邊爐d料唔係恐龍肉喎，牛肉咋喎！
發起人：咩係囉，我幾想小爆佢呀。佢話一係去「小肥羊」，一係去太子，個度有好多好好味既火鍋店喎。佢又話唔想過海（註：火鍋本色在銅鑼灣）。
我：但我地人人都係港島人喎，佢唔係想連$3蚊過海費都慳呀？仆街丫！（我真的好爛口，像麻甩仔）
發起人：頂我都火滾，我話不如去大家樂一人一爐仲方便，又夠平，唔駛煩。亞西仲話哩個提議好！
我：……………………
發起人：佢又不停問我「火鍋本色」有幾好吃？我話d牛肉真係好新鮮，佢問係咪即場劏d牛喎！佢老味。………（我們是爛口二人組！）
我：………………………………………….
發起人：我無應承佢去「小肥羊」定太子呀，我話問左主席先。（註：主席＝我？！我是格林Z潘）
我：咪講咁多，維持原判，去「火鍋本色」。
發起人：得！係咁。
掛線後，我就想，經濟真的差成這樣嗎？連吃一頓火鍋都要刻薄自己？！不會吧老友。在宣稱經濟進入大衰退的同時，我們公司剛好在擴充業績，剛租了另一層的寫字樓（樓上），又大手買入好些辦公室的先進文儀用品，一份鐘可打印一千幾百張那種喎，有整個人那麼高的影印機喎……（ok，我是有點誇張），但總之我們在這個時勢，還有好明亮的前景。
畢竟，經濟怎差，有些行業都定能生存到的。
你可以不吃火鍋，但病了，能不吃藥嗎？
