這週很繁忙。主要為了公事。報稅的工作，這週內要完成，然後呈交去稅局。一間公司加一間工廠，三百六十五天裡有人離開有人初來報到，有人做了兩天就走、有人被忽然辭退、有人走了又回來、有人的資料匣不翼而飛………總之支離破碎地一灘東西，要在今天趕起，送去稅務大樓。故此，這週都活在陰影裡，覺得自己隨時會暴斃。
下班後已累得不似人形，火速回家，謝絕一切約會。有人問，喂你被人禁錮嗎？何解變得那麼深閏。
回到家也好像很忙似的。不停地閱讀，又要練琴，又要看影碟（這週重看了Gloomy Sunday）。平均上床入睡的鐘數，兩點（！）。好像這週有個晚上，四點多才睡。
今天終於把工作完成。
+++++
西先生依然常致電我，可是這週實在忙得交關，有時午飯時間都在工作，所以也沒怎應酬他。今天他大哥又致電我：
西：喂，我想約你星期日睇戲喎。
我：吓？！我星期日去聽蕭邦喎。
西：蕭邦？蕭邦生雪呀？（這條友好賤！）
我（開始不耐煩起來）：唔係呀，演奏會呀。
西先生：乜蕭邦會唱粵劇咩？咩演奏會咁巴閉呀？！
我：你咪理啦，我唔得閒啦總之。
西先生（楚楚可憐）：唉，咁我點算呀？一係你幫我公開呼籲吓有無人想同我睇戲啦，星期日呀，鐡甲奇俠2呀。
我（心諗，我是文藝中女嘛，怎會喜歡看這類電影呢？）（但我有看第一集喎……）：係咪要著到成個鐵甲奇俠咁唻架？
西先生：都ok，唔著都可以。Mega Box呀，下午場呀。你真係幫我公開呼籲吓有無想睇啦，留我電話俾佢地喎。
我：得啦，我會在個blog度留你電話出唻囉。
西先生：頂你呀！你係咪想我死，想我電話費二萬六呀？
我：…………………（真的有人會打嗎？）……………….
現公開呼籲，誰想與這位仁兄去看呢？可電郵我。
（可自備流星鎚呀，牛肉刀呀之類，他不怕被人斬的.........）
