西先生又憤慨地致電我，重提異形事件。唉。今天他說了幾個重點。
（一）他說我們要公開聲討V小姐，就像聲討張宇人一樣！現在V小姐就是女版張宇人，我們要一直與她抗衡，直至她出來。公。開。道。歉。為止。我問，有那麼嚴重嗎？西先生說，總之要她向公眾鞠躬，承認過錯。西先生再加一句：「我要將佢變成過街老鼠，人見人踢！」
（二）大家又提到「飢饉九十」。西先生問我，飢饉九十即是大約多少天。
我（馬上心算，還計了很久）（OK，我是數字白痴，我懷疑自己的左腦已完全萎縮）：嗯，差不多四日喎！
西先生：係囉，你話吖，要成四日，餓成四日都差唔多死啦，先可以平息D怒火，你話係幾咁嬲！Ｘ！真係唔死都無用！！（又開始激動起來）
（三）西先生這幾天，其實為了那盒玩具，都幾近崩潰。他時而憤怒，時而又淒怨，他今天提到另一個問題。
西先生：你講吖，點解佢要咁對我吖？！
我：係咪你對佢唔好呢？
西先生：頂佢，唔係要我送個CHANEL 24.6俾佢，先叫對佢好丫嘛？！（24.6喎！！！我笑到死咗）
我：唉，你反省吓先啦。
西先生：如果我係對人唔好，點解你又唔咁對我先？（呀佢咁都問得出口喎，係咪要我咁對佢先安樂呢究竟？）
我：得！我知唻緊我應該點做！！放心！！！
西先生：$%^&()_=)(&^%$#$%^&()_#$%^&()@#$%^&()_+
又，也有好些人電郵我，說想買那盒東西，有位BIU讀者，出價五百，我問他是否堅？他說是，還留下了電話（未打，不知是否地產經紀，或有線的SALES騙局）。又有個讀者Wendy Wong跟我說，那個異形模型值US$600美金啊！（咁又點呢？你係咪要呢？！）即是，有價無市，西先生只好與家人的關係繼續惡劣下去。他補充說，這幾天他爸都狂罵他，又問他與誰結怨，人家才會送這個來整蠱他（！）。唉真的好慘。
