Thomas。男同性戀。(上)

有一個晚上，在微暗的燈下，我看到某位圓圓的鼻頭。是生勾勾肉造的鼻子，但不知何解，看來卻那麼圓，很好肉地（像其人）。我馬上將自己的想法表達出來，說，喂你的鼻子很像thomas那麼圓哦！（有段時間，我曾天天看Thomas the tank enginne的卡通，內裡的人物圖幾乎全都背透，而吾友的鼻子愈看愈像Thomas）

這位仁兄一聽我的言論，整個跳起來，回我一句：我先唔似呀！只有基佬先鍾意Thomas！！

我：吓？！

那位仁兄：d火車一條條，又出出入入擦擦吓咁，仲唔係基佬？

我：哇！明明係益智卡通片唻架喎！！（說時不忘即席哼了一段Thomas的音樂給吾友聽，而他的反應是，翻了一下白眼。而我也實在對這位施主的想像力甘拜下風………）

那位仁兄：咩卡通片呀？擺明係俾基佬睇啦，成套嘢都係男火車，又一條條，邊有火車咁架？擦吓擦吓喎………（又唻）

我：唔係喎，有女火車架喎，我以前有段時間成日睇架！

那位仁兄：女火車咪lesbian囉。

我：妖！

不過事後我在想，將這套經典的卡通片聯繫上男同性戀，也不失為智選。

Thomas火車裡的所有男主角，都各有特色，有的是經驗老練的老油條，有些是入世未深的小伙子，也有處事精密的，更有衝動派。有孖生兄弟，有愛打扮的，也有大隻仔，更有不同種類的各種機械（？！）。

OK，總的而言，假如你將這套卡通片看作男同性戀的卡通代表作，不失為絕配。