我有點懷念那些下了班後，可以漫無目的，浪擲光陰的好日子。看書／看電影／與誰誰誰去吃飯／逛街／散步／吃雪糕......無論做什麼都好，總之都是輕輕鬆鬆的。今年轉了新工作後，下班往往已累得想死，加上自由工作的時間緊湊，根本不容我有心思／時間去做其它。
有時累極上床，也睡不著，或者長期都在繃緊的狀態下，睡在床上也不會放鬆。往好處想，就當減肥吧，長期活在精神壓力下，人怎會胖？但我還有需要減嗎？都變人乾了。
+++++
下週一，約了朋友們吃飯。常做聯絡人的V小姐近來好忙，我在電話中，大聲跟西先生咆哮，"次次都我們約，這次你搞啦"。接著，換來如此的對話。
西：我搞無問題，但你地想吃咩先？你知你班大帝幾咁煩啦。
我：我無所謂架，隨便。
西：咁去小肥羊打邊爐啦！
我：哇，家下幾多度呀？三十度去打邊爐？！死架你。而且好大陣味架喎，我又唔鍾意吃羊。
西：咁吃橋底辣蟹囉。
我：好熱氣架喎，BB(才俊)實唔肯。
西：頂！咁吃pizza啦，一於Pizza Hut啦，唔駛煩。
我：都好，你知我鍾意吃薄餅，但亞V話唔去Pizza Hut，佢要去意粉屋喎。
西：我知你鍾意吃pizza呀，你吃咩都要叫pizza味架嘛，pizza飯啦，pizza味奶茶啦，pizza狀乳豬啦，pizza曲奇餅啦......（一直不停地數下去）
我：係呀係呀，我仲會用薄餅味既洗頭水同埋護膚露呀，而且仲有Pizza味香水。又會將塊面，化到成個pizza咁。
西：係呀，咁先係你既"PIZZA人生"！
我：......（大笑中）......
結果，下週一，是否真去吃薄餅呢？
