Tuesday, January 06, 2009

不可不信邪。

今天下班時份,我與西先生閒聊,忽然記起他前陣子的升級試,我問,喂怎啦你的升級試,該有結果了吧?西先生隨即露出驚異的神情,問我何故忽然問起,我說不知道呀,想到就問了………。

西:昨天先公佈喎,我真係打左個突,你竟然今日問起。今次應該升到呀!
我(!!!):哇,請吃飯啦你!(這是我的第一個反應)一早講左啦,好彩有個「開運水晶座」咋,你一收到無耐,就升職啦。本來一早無望架啦係咪先?!
西:唔係喎,個水晶座真係咁好,你地點會咁好死俾我先?
我:好,你咪唔信邪囉,家下你馬上all篤尿落個幸運水晶座後,再打爛佢囉,你睇下點!
十分大迷信的西先生馬上靜默了。

我跟他說,我倆永遠都是超人與怪獸的關係啊!因為:
1)只要有超人,就有怪獸,這是千年不變的定律;
2)超人與怪獸是心靈相通的,因為無論牠走到那裡,牠都會追著去打爆牠的。
所以,今天我忽然心血來潮問他的升級試,怎會沒因由?

嗯,他有了幸運水晶座,該扶搖直上,快升做警務署長了吧?我覺得他一坐正,馬上會倡議恢復死刑。我是第一個他要收拾的!

+++++

我把他升職的好消息,告訴了v小姐,此人的第一反應是:「都話個幸運水晶座得架啦,肯定個水晶精靈發揮魔力,令果d警長個個都鬼掩眼,咁咪升左佢囉!」

+++++

那個水晶座,聽來真的有法力喎………。