因為做運動的關係，平日都買了很多水果放在公司來補充體力。明天放長假啦，還有香蕉未吃完啊！！！怎辦好？！（明明下班去做運動，但我卻在吃太陽餅而忽略香蕉）
有辦法！一於送給同事啦。本想送給RECEPTIONIST，但她不在座位（已接近下班的鐘數），我就擅自放在她的手袋裡（！香蕉喎！）（大家一定要提防同事）。過了不久，她打內線給我：
K小姐：^*()__*^$%$#$^*()!!!隻蕉係咪你放我袋架？！（夾雜狂笑）
我：吓，咩事呀？！
K小姐：我本來以為自己今朝帶咗隻蕉唔記得食，但又諗諗吓無理由，我無理由會放在手袋！然後我去走去問XX（另一個同事），佢一口咬定實係你！（狂笑不停）
我：………………（馬上反省自己是否在公司已是臭名遠播的攪攪震專員）
不過同事說她現在減肥中，都好開心呀今晚有蕉食。
過了一陣，XX（一口咬定是我的那個同事）走來跟我說，我知實係你啦，仲有邊個會咁做唧？！（潛台詞是：哩間公司人人都咁正常，除咗你）
